قطع الاثاث و علاقتها بالاطفال

قطع الاثاث و علاقتها بالاطفال
مش هنتكلم فى المقال ده , عن اخر صايحات الموضة فى عالم الديكور و الوان 2017 و هكذا , انا هتكلم عن شىء أهم و أكبر من وجهه نظرى , علاقه فرش البيت بالاطفال !
لو تم دراسه المقاله ديه و وضعها فى الاعتبار وقت الشراء هتوفروا على نفسكم فلوس كتير و هتقلل كتير من المشاكل و الحوادث .
أى اتنين مقبلين على الزواج او حتى حبوا يجيبوا قطعة فرش جديده فى بيتهم دايماً بيستعجلوا و بيبدأوا يشتروا اما فرش عاجبهم شكله و مش هيفيدهم او بيشتروا فرش غير مناسب للمكان و للاستخدام , و عمر محد فكر او جه فى باله يشترى فرش يناسب أستخدام كل افراد الاسره , الى فى الاغلب بتتكون من اب وام و اطفال , و احنا هنا هنعتبر ان الاسره ديه عندها طفلين طفل فى مرحله الحضانه و طفل اخر فى مرحلة المدرسه و مدام احنا بنحدد محددات المقال فأحنا كمان بنتكلم على المساحات الصغيره للفراغات .
أكيد عمر محد قسم الحياه فى مقالة بتتكلم عن اختيار قطع اثاث لفترتين ابدأ  , لكن مع الاطفال التقسيم ده مهم جداً , فتره النهار اللعب و المذاكره و فتره الليل النوم و السهر .
بشكل موازى هنترجم فتره النهار لغرفه المعيشة و السفره و المطبخ و دول اكتر فراغات بتستخدم فى فتره النهار , اما فتره الليل فهتكون لغرفة النةم الرئيسية و غرفة الاطفال , الحمام فراغ مشترك بين الفترتين و رغم انه صغير بس جبار  علشان كده هنتكلم عنه فى مقاله تانية .
فتره النهار :
هنبدا بغرفة المعيشه الى هتكون مكوناتها كالاتى :
• صوفة سرير جلد ذات الوان داكنه ( مش لازم تكون سودا لكن نختار اللون الغامق فى درجات الالوان ممكن يكون زيتى او اورانج او بنى … و هكذا )
طبعاً اختراع الصوفه السرير الجلد من افضل الاختراعات الى ممكن تحصل فى الحياه لان استخدماتها كتيره و تنضيفها سهل جداً و ممكن تشتروا صوفه نوعها جيد من مكان محترم بسعر مناسب وقت التخفيضات, بس أتمنى أنكم تتأكدوا من متانة الجلد لانه هيتنام عليها كتير و فى فتره كل أم عرفاها فتره تعليم الطفل الاستغناء عن البامبرز و خصوصاً بليل , هتعشقوا حاجه اسمها صوفه  , و لازم نتأكد من متانة ارجل الصوفة لانها هتبقى نطاطة فتره حلوه من الحياه 
kivik-three-seat-sofa-and-chaise-longue__0206559_PE360682_S4

• طربيزه خشب أمام الصوفة بدون ادراج او زجاج
انا حبيت انها تكون بسيطة و من غير اى زجاج لانها هيتوقف عليها و الارتفاع عن الارض ميقلش عن 50 سم لان ممكن تبقى لعبة هيستخبى أو يقعد تحتها او يعملوها ممر وقت الجرى و الزحف و ده فى حد ذاتة جميل لانها هتحسسه بحجمة كل ما يكبر شوية .
طبعا انا لغيت فكره الادراج لانه لو طفل شقى شويه هيفتحه و يعمله سلم يطلع بيه على الطربيزه .
abu elnaga _ furniture (1)
• طربيزه صغيره بكرسى صغير لطفل مرحلة المدرسة
مش عارفه ليه عمرنا مفكرنا ندى لطفل المدرسه مكانه حوالينا و نعمله مكان صغير ليهو نحطله شوية الوان و ورق و نقدر نجمعهم فى عليه بلاستيك بعد اللعب و نحطها فوق طربيزته , ده هيساعده كتير و هيحس انه قاعد معاكم و اكيد هيقلل شويه من الزن و الشقاوه.
Bajaj_065_M_1_2x-8b279
• مساحة فاضية للعب طفل مرحلة الحضانة
• مكتبة تليفزيون , طبعا نبعد عن المكتبات المودرن القصيره و اى مكتبات خفيفه و نختار مكتبات عالية متينة و لها ضلف بمفاتيح .
3570f4dp
• ستاره بسيطه ملونه
Untitled-1
على فكره الستاره ديه فى حد ذاتها لعبه و انا رجحت تصميم بسيط جداً ليها لاننا مش هنحتاج اكتر من كده مش لازم براقع و شغل تقيل و كتير و غالى على الفاضى اهم حاجه نتأكد انها متثبتة صح و كويس جداً .

غرفة السفره :
اهم حاجه ارتفاع السفره الى ميزيدش عن 75سم و نبعد عن الطربيزات العاليه و الافضل انكم تقعدوا تجربوها قبل الشراء و تشوفوا هل انتم مستريحين و لا لا .
الافضل ان الطربيزه تكون صغيره و عارفين توصلوا لمعظم الحاجات عليها و تحتها فاضى يعنى ذات 4 ارجل ميبقاش فى شغل تحتها , متنسوش احنا بنتكلم عن 4 افراد عليها , لكن طبعاً ممكن تشترواالنوع المتحرك وهو بيوسع و يضيق لو انتم من الاسر الى بتعمل عزومات كتير و مننساش نبعد عن السفره الدائرية لانها غير مريحه مع الاستخدام .
bjursta-idolf-table-and-chairs-black__0188360_PE341202_S4
افضل شىء لطفل الحضانه انك تشترى كرسى صغير مرن الفتح و القفل و ده بيتركب على الكرسى العادى وهو عملى جداً على فكره لانه خفيف و تقدرى تأخدية معاكى فى اى مكان تانى .

Untitled-112

المطبخ :
اكتر فراغ فيه لعب كتيره و كبيره و كلها ممنوعات و الافضل انك تقفليه و تحاولى تكونى فيه لوحدك ازاى الله اعلم  .
مش عاوزين ننسى ان كل ابواب البيت تكون بتفتح و تقفل بقفل و مفاتيح من الجهتين و ده شىء مهم جداً .
فتره الليل :
نبتدى فيها بغرفه النوم الرئيسية , المفروض تكون خاصه بالوالدين فقط لكن فى بعض الاحيان بتكون هى دى غرفه المعيشة و اللعب و المذاكره و البيت كله  , ولان دى الحاله الاصعب و الاغلب فانا هعتبرها كده فعلاً .
مكونات الغرفه هيكون :
• سرير خشب مقاس لا يقل عن 170 سم
اتمنى اننا نختار مرتبة سوست ارتفاع 15 او 20 سم ( لو قطن جميله برده ) المهم اننا نجربها و نتاكد انها مريحه هى و المخدات الى هتكون فايبر (Medium ) .
طبعأ مش هأكد على الموضوع الراحه و اد ايه دا مهم جداً , و ان لو حصل العكس حياتكم هتبقى جحيم ببساطه !
20134_cosl17a_01_thumb_PE360566
• سرير بيبى ودلوقتى اصبح فى منتجات كتيره مرنه و سهله الاستخدام و الحركه كمان و مش بتاخد مكان , تقدرى تختارى الى ينسبك من حيث راحة الاستخدام و السعر .
The-Culla-Belly-Co-Sleeper-Attaches-onto-Beds-For-Easy-Access-320x300

• دولاب كبير يعنى ميقلش عن 3م و الافضل ان الارتفاع يوصل للسقف ( لان فى الاغلب بتحطوا حاجات على الدولاب و بيبقى شلكه سيء جداً ) و من جوه التقسيم الى يريحكم لكن اهم نقطه ان الادراج الى بداخل الدولاب تكون فى المنصف او فوق مش تحت خالص .
maxresdefault
• التليفزيون الافضل يكون معلق على الحائط و بعيد عن الاطفال تماماً , بدون مكتبة او اى شىء حوالية .
• التسريحة , لو تفتكروا زمان كان فى تسريحة المرايات فيها بتتقفل و كلها ادراج, الموديل ده الافضل و الاكثر عمليه من ناحية الاستخدام و طاقة المكان , انا من الناس الى مش بحب المرايات فى غرف النوم , لكن اعتقد ان الموديل ده هيرضى جميع الاذواق و يناسب الكل , خصواصاً انه كمان حجمها صغير فبتاخد مساحه صغيره .
get-4-2010-cvkg4iz6
• فراغ فاضى كبير بالغرفة مغطى بالكامل بالسجاد ( سجاده خفيفه سهله الشيل و التنضيف ) لان بشكل عام ده هيكون مكان اللعب .
• يفضل دايماً يكون فى جلسة صغيره مجرد كنبة اتنين جلد طبعا زى متفقنا , و طربيزه متعدده الاستخدامات بتقفل و تفتح , علشان وقت متحتجهاش تقدرى تقفليها خالص و تحطيها على جنب .
• الكومود, الافضل يكون له أدراج و ليها مفاتيح زى متفقنا .
• فى ناس كتير بتحب تعمل كورنر صغير لل workshop مفيش مانع طبعاً , المهم بس اننا نختار مكتب صغير جداً او طربيزه بما ان الكل دلوقتى عنده لاب توب .
جينا لغرفه الاطفال :
دى ملك لطفلك و بالتالى لازم تسألية و تسبيه هو الى يختار الالوان و الاشكال و الرسومات اللى بيفضلها و لازم نحط فى اعتبارنا ان الغرفه لازم تستوعبه فى كل مراحل عمره , مينفعش اجيب النهارده سرير بيبى و بكره سرير لطفل و بعده لشاب و هكذا , كظه اهدار للفلوس و لكن ممكن نصمم غرفه اطفال مرنه , يعنى مثلاً النهارده ممكن نعمل سرير كبير و نحط له اشكال و الرسومات الى يفضلها و لما يكبر ممكن كل ده يتشال و يرجع السرير لحالتة الاصلية , نفس الكلام فى الحوائط ممكن النهارده تبقى دهانات و بكره تبقى ورق حائط او النهارده رسومات و بعد كده تتغطى بورق حائط و هكذا .
مكونات غرفه الاطفال :
• سرير خشب لا يقل عن 1 م و طوله لا يقل عن 190 سم ويكون واصل للارض علشان التراب و ممكن طبعاً يكون له ادراج او سندره الى يريحكم اكتر , اهم حاجه المرتبه و المخدات بأكد اختيارهم مريحين للطفل , و مننساش ان الارتفاع الكبير للمرتبة مش كويس أبداً .
• الدولاب لا يقل عن 120 سم عرض و انا بفضل انه يكون للسقف لان لو قصير فاى ام مصرية هتبدأ تحط كراكيب فوقيه ملهاش لزمة , فالافضل نستفاد بالارتفاع ده داخل الدولاب .
• المكتب الافضل يكون صغير و له ادراج .
• لازم ولابد و مهم جداً جداً يكون فى مكتبة ولو صغيره فى هذه الغرفه بالذات و طبعا يكون دولاب جواه الكتب و مقفول عليها لحمايتها من التراب و التقطيع , لازم نهتم بده جداً و لو فى مساحه نعمل كورنر كجلسة للقراءه و الافكار كتيره و جميله له .
a7b7897f94da075cb497360006e393ce
اخر حاجه مننساش حائط الذكريات , الحياه بقت فعلا صعبه جداً و الناس اغلبها تعبت , و من وقت للتانى بنحتاج نفتكر اللحظات و الناس الحلوه الى فى حياتنا.

الخلاصه :
البيت شىء مهم جداً خصوصاً وان كان بداخله اطفال منتظرين قدر من المسؤولية اتجاهم , البيت اكتر مكان بنقضى فيه عمرنا , فالافضل اننا نهتم بيه علشان نحول مجرد جدران طوب لمكان جميل مريح سعيد.

اتمنى تكون هذه التدونية قد أفادت و لو قليلا كل من هو مقبل على شراء اثاث و لديه اطفال
يمكنكم دائماً زياره مدونتى على موقع المكتب www.archimaker.com
او على الفيس بوك https://www.facebook.com/Arch.nerminbaligh/
أخيراً إذا كانت لديكم إي اسئلة أو إستفسارات يمكنم وضعها فى comments اسفل كل مقاله و سأقوم بالاجابه عليها
12-10-2016

مهندسه نيرمين بليغ
مهندس معمارية أعمل فى مجال التصميم المعمارى و الديكور مؤسسه اول مكتب هندسى افتراضى بالشرق الاوسط و العالم منذ 2005 .

جزاكم الله خيراً و كل عام وأنتم بخير !!!

منتدى تصميم المنازل , هذا هو اسم القسم الذى ستجده شائع الدخول إليه في اى منتديات مهتمة بالعمارة و البناء , لكن ما سيصدمك هو كميه طلبات التصميم التي يطلبها الأعضاء و تنتهي بجزاكم الله خيراً أو كل عام و انتم بخير , طلبات لا حصر لها , وبلا رد أو أجابه , لان ببساطه شديدة من سيقوم بالتصميم لفكره مشروع بدون اى اجر؟ , فهذا في النهاية عمل , وليس مجرد عمل خير صدقه أو زكاه إما مهندس متخرج ليس له خبره فى التصميم او مجرد هاوي للتصميم لم يدرس أو يتخصص ….., و عند مناقشه الأعضاء تجد أجابه واحده , و لماذا لا يقوم احد بالتصميم واذهب به إلى المكتب الهندسي ليقوم لي بالتعديل وإكمال الرسومات ؟؟؟ , اى انه
يرغب في ضرب عصفورين بحجر واحد, خصوصاً وان هذا يعنى إهمال شديد لأهم مراحل البناء , الإهمال يأتي في الفكرة الاساسيه , التي يبنى عليها باقي التصميم , و السبب هنا هو التوفير , هناك مفاهيم مختلطة على العضو أو مرتادي المنتديات يجب أن نوضحها بشكل واضح , لا يقبل الجدال أو الشك .
المنتدى هو مكان استشاري , يتجمع فيه أصحاب الخبرة و في الأغلب يكونوا تبع الاداره ,لوضع استشاراتهم على تصورات الأعضاء من صور لمخططاتهم أو استفساراتهم من هنا تأتى الاستفادة , الاستفادة بعلم الخبير , و من أخطاء مخططات العضو أو من أسئلته . مما ينتج عنه خبره العضو بعد بضعه استشارات و يمكنه تحديد الأفضل , و بأسباب علميه.
نأتى لدور المنتدى إما أن يستفسد من طلبات الأعضاء ووضعها في إطار مقنن أو يقوم بتجاهلها, فى الواقع هناك منتديات بالفعل بدأت في تقنين هذا الأمر , و تصنيفه كخدمه بالمنتدى تحت إشرافه وادراته , واجد هذا جيد جداً , لان من هنا تمت الاستفادة للجميع , وفى نفس الوقت وضعت الأمور في نصابها , و الأهم انه لن يتم إخراج رسومات ضعيفة تعيبنا نحن كشعوب عربيه في النهاية , فلابد أن يحين وقت التقدم وبناء الحضارة , لذلك عزيزي العضو لابد أن تشعر بالمسؤولية اتجاه تصميم منزلك لأنه ليس فقط منزلك , فهو جزء من المجتمع الذي نعيش فيه .
أما للمنتديات , فبوضع سؤال العضو أو استفساره على منتداكم هذا وضعكم تحت مسؤولية الرد بما يرضى الله و ضمائركم , فالأمور أصبحت اكبر من مجرد رد بل وصلت لحد المسؤولية في تشكيل فكر مواطن .

بين يوم وليلة

مربع سكنى صغير , ينتهي بشارع البحر المطل مباشراً على البحر , له رواج صيفاً و انعزالا شتاءً , مزيج من العمائر الحديثه و الفيلل القديمه , له احساس مميز بغض النظر عن الزحمه الشديده التى يكون بها فى الصيف , قبل الثوره كان النظام موجود , بعد لثوره حدث انفلات غريب و مريع , استخدمت كلمه مريع لان فى يوم و ليله , كان اغلب هذا المربع السكنى قد سوى بالتراب , و خرجت من كل قطعه ارض صغيره عماره شيطانيه , ليس لها اى هويه او ميزه , اجتمعوا جميعاً فيما وجده الجميع ميزه , الا انا وجدته عيب سيجعلنا نذيب بالتدريج هويتنا , لنصبح فى النهايه كالاناء الفارغ .
هذه المميزات هى الشكل الخارجى المناسب , مساحات صغيره لا تتعدى ال 06 متر 2 ,مصعد صغير جدا , كافى لراكبين لهم علاقه ببعض , و الا اصبح الوضع هزلى , سلم صغير جدا
كافى لرجل يصعد السلم بجانبه , وان كان زائد الوزن قليلا فالافضل الانتظار بالشارع عن الصعود , فى النهايه هذا مجرد مصيف و ليس للسكن , و شراء مثل هذه الشقه , ليس بخساره
فهى استثمار جيد جدا , فيمكن لشاب فى مقتبل حياته ان يشتريها , و السعر بسيط جدا 066 الف جنيه ل شقه لم تتعدى ال 06 م 2 , فهم مجرد اثنين ساكنين , لن يحتاجوا لحجرات كثيره , و
يمكنهم تغييرها فيما بعد ,وان كان الاستخدام للمصيف , فلا بأس ايضا , يمكن ان ينام كل اثنين فوق بعض مثل القبر و شاهد القبر !!!!!
قد يكون هذا المربع السكنى فى اى منطقه بمحافظات جمهوريه مصر العربيه , و قد تكون انت احد الملاك او المستأجرين لهذه الشقه , لكن …..
هل فكرت ايها المستأجر او المالك فى الاطلاع على اوراق تراخيص هذه العماره ؟, او حتى النظر اليها من بعيد , لان اكيد كنت ستكتشف هذا الميول المميز جدا فى معظم العمائر التى تم
هدها امس , لتعلو غدا ملامسه السحاب , ومتفوقه عن ما بجانبها , فكيف سيكسب المقاول و المالك ,وهم بالمناسبه شركاء من بناء العماره مقابل عدد متفق عليه من الشقق !! , اصبحت
حياه الناس تجاره رائجه بين ايدى مقاول اصله بائع و تحول فى احدى اوقات رواج المعمار الى مقاول , ببساطه شديده , كسب فى اول مره , اصبح لديه المال , اصبح فى طبقه اعلى , و
بدا يلعب مثل غيره فى المربعات السكنيه , يهد الفيلل و العمائر القديمه التى لا ترتفع عن 0 ادوار بالكثير , ليبنى عمائر لا تقل عن 31 دور لما فوق .
بالطبع بعد الثوره , الحال اصبح غير الحال , و الكل ينادى بالحريه المزيفه , فلم يفكر احد فى الكوارث الناتجه عن ما يحدث , و لم يشعر احد بالمسؤوليه اتجاه المجتمع و الوطن و الكل
يبحث عن المال , طمع الانسان لا ينتهى , طمع نهايته نهايتنا .فى النهايه احب ان اشاركك عزيزى القارىء , بعض كوارث , هذا البناء الخاطىء
– خلخله طبقيه فى المجتمع , فهو من اهم اسباب انعدام الطبقه المتوسطه و توغل الطبقه الفقيره , او التى كانت فقيره .
– خلخله ارضيه فى هذا المربع السكنى , لان من يقوم بالبناء فى اغلب الاحيان لا يقوم بعمل تقرير تربه لمعرفه بعد المياه الجوفيه عن الارض , فيقوم بالحفر الى ان يصل
للمياه الجوفيه و يضطر لمعالجه الوضع فيضخ بالارض مواد عازله , تؤثر على طبيعه الارض , و ما بجوارها , فبكل بساطه يمكن ان تتاثر العماره التى بجوارها و تميل و تنهار .
– الشوارع تم وضع مواسير الصرف و مياه الشرب و اسلاك الكهرباء و التليفونات على سعه سكانيه محدده , فعند وضع 0 اضعاف السعه على نفس المواسير و الاسلاك ,
فتوقع وبهدوء شديد , انقطاع مستمر للمياه و للكهرباء , فيمكنك عمل جدول شهرى للاستحمام , و مواعيد معينه لمشاهده التليفزيون !!!
– وجود مواطنين اذا فستجد عربه مع كل مواطن على الاقل , لكن ليس لهذه السيارات مكان للانتظار او البيات , هذا بجانب ان كل محل ستجد امامه اصيصه زرع لحجز
المكان امامه اما لسياره صاحب المحل ,او لاعتقاده ان وجود سياره يحجب الرزق عنه !! , لذلك سيتوجب عليك ان تركن سيارتك بعيد عن منزلك فى محافظه اخرى , و يمكنك الرجوع مشى ………… الرياضه للجميع .
– لم يتم وضع عرض الشارع بهذه المسافه , ليكون على جوانبه عمائر تتعدى ارتفاعها ال 06 متر, مما يحجب اشعه الشمس , و الهواء النقى , لذلك الافضل ان تتنفس من المناور , فالروائح هناك زكيه و عطره , و ليس لاشعه الشمس فائده , فقد سمعت انها حارقه !! .
– اجمل ما فى هذه النقاط , ان هذه المنطقه انقلبت بحول الله وقدرته , من منطقه راقيه الى منطقه شعبيه جدا فى خلال سنه واحده فقط .
قد يجد البعض هذه النقاط نقاط رفاهيه , فبناء عماره او مجموعه عمائر , اثر على كل شىء , على الحاله الاقتصاديه , و الاجتماعيه …………. الخ , هل هذا صحيح ؟؟ نعم صحيح , فقط تأمل ما يحدث حولك , و تذكر دائماً ان لكل فرد منا مسؤولية منصبه على عاتقه مهما كان مهنتك , فالكل مؤثر بشكل او باخر , بشكل غريب و عجيب ,
سبحان الله , فنحن فى النهايه من نكون هذا المجتمع و ليس العكس .

تصميم بدون تعديل … كيف ؟

أتعحب كثيراً من من يتوقع أن التصميم المعماري يخرج من مره واحده , رغم انه لا يوجد فى الدنيا شىء ينتهى قبل بدايته و يتدرج

ليصل الى النهايه , اولهم الانسان واخرهم قطعه الاثاث , و يترجم هذا على انه قصور ابداعى و فكرى وثقافى عند المصمم !!!

فى كل مقال لى ارصد المشاكل بين المهندس و العميل من خلال مقالات تنويريه للعميل و بالطبع له حق الرد عليها و المناقشه

اليوم استعرض هذه المشكله التى تؤرقنى , كيف اخرج تصميم لا يتم التعديل عليه , مع اعجاب و تصفيق حاد من العميل .

اعتبر الموضوع هذا شقين شق له علاقه بالمهندس و شق اخر له علاقه بالعميل , فى البدايه لابد ان نرسى قاعده مهمه جداً بيننا

الا وهى ان كل شخص له تفكيره و ذوقه و احساسه الخاص جدا به و لا يتشابه مع الاخرين و هذا دليل قاطع على عظمه الخالق

و اقرب مثل يقال فى هذه النقطه ) صوابع الايد مش زى بعض ( .

ان اتفقنا على هذا نأتى بجزئى المشكله , لنبدأ بجزء العميل الذى لا توجد لديه خلفيه كافيه بعمل المهندس و لا يعلم ان التصميم هو عباره

عن فكره يتم رسمها ثم بلورتها ولا تخرج الى تصميم كامل الا بعد ان تمر بمراحل كثيره بدايتها قلم رصاص ونهايتها طباعه على ورق

نستنتج من هذا ان التصميم يمر بمراحل كثيره لنصل فى النهايه الى ما نراه جميعاً فى بروشورات او اعلانات المشاريع الكبيره

فى واقع الامر , التصميم هو اهم مرحله و اصعب مرحله و لا يمر بسهوله ويسر , دائماً به مشاكل كثيره , و السبب ان الكل يسعى

للافضل فى اطار اقل الامكانيات التى تحقق هذا التصميم .

نأتى للمهندس الذى يتصادم مع خلفيه العميل الذى لا يقبل فكره التعديل و افراد متطلباته كامله بشكل دقيق و وواضح و صريح

فدائما يعطى العميل المعلومات ناقصه , و لا تترجم عند المهندس الا بنقاط ضعيفه , قد يراها بعد ذلك العميل اخطاء فادحه , علما ان

العميل لا يعلم ما هى الاخطاء الفادحه معمارياً !!!!!!

اعتقد ان المهندس يجب ان يكون صبورا و لماحاً , قوى الملاحظه ليستطيع استنباط واستنتاج ما يريده العميل بدون ان يتناقش كثيراً !!!

اسلوب خاص جد اً

يعتب على الكثيرين , انى اضع مساقط افقيه ) مخططات ( لمشاريع المكتب على الانترنت , و اكثر العاتبين من العملاء , و بغض النظر

ان المكتب الكترونى ولا مجال اخر لانزال المخططات الا عن طريق الانترنت , الا ان بعضهم يشترط , الا اقوم بانزال مشروعهم الا

بعد التنفيذ او بعد فتره زمنيه محدده , تسألوننى اكيد عن السبب ؟؟………………. سرقه الافكار على الانترنت !!!!

بالنسبه للمساقط الافقيه فالانترنت ملىء ملآ حافتيه بمساقط لمشاريع صغيره و على رأسها بالطبع الفيلل و رغم ثبات المتطلبات التصميمه

لها , الا انها اختلفت و تنوعت , و بما ان الجميع يسعى الى التغيير و الاختلاف و السعى الجاهد للتميز , فلا احد يعجب بهذه التصاميم

التى على الانترنت ويعتبرها افكار مكرره ..معاده , و ياخذها مجرد للارشاد , و هذا هو التفكير العاقل الصائب …….. لماذ ؟

فى واقع الامر لن يستطيع احد اخذ هذه التصميمات و تنفيذها بحذافيرها , فدائما يضع الانسان متطلباته و اسلوبه الخاص به , بدون اى

ادراك منه و هذا ما اسميه التنوع البشرى فى تناول الامور .

اذ اً ما كنت معجبه به و اخذته لتنفيذه لم استطيع تنفيذه لان لكل شخص طلباته الخاص واسلوبه الخاص , فى المقام الاول يتبع هذا ابعاد

الارض المتغيره و مشاكلها , التى بالتاكيد ستغير الكثير , فى النهايه ما كنا سننفذه بحذافيره , اصبح شىء مختلف تماماً بشكل وباسلوب

خاص جدا , و هذا ما يميز بيوت الازياء عن بعض , الاسلوب الخاص جدا لكل منهم !!!!!.

نعم … أنا مصرية عربية !!

نعم ……انا مصريه عربيه !!!
رغم مرور ما يقرب من 8 سنوات منذ قمت بتأسيس مكتبى الالكترونى , وتحديداً فى يونيه 5002 الى الان ومازال الاخرين فى تساؤول دائم عن معنى ان يكون لدى مكتب الكترونى , و لذلك قررت ان اكتب مقاله عن تجربتى بشكل مبسط للقارىء العادى .
الكترونى بمعنى انى اتعامل فى جميع تعاملاتى عن طريق الانترنت فقط , و هذا سواء كان التعامل مع المهندسين المتعاونين او مع العملاء المتعاملين مع المكتب , و فيه احاول ان استخدم معرفتى الضئيله بالانترنت و التكنولوجيا لاصل بها الى ابعد استفاده  مكنه من مكانى , تتيح لى نشر افكارى و تساندنى فى ان اكون لنفسى هاله من النور لعلى اترك بصمه مفيده فى هذا العالم , و اريح عميل مقيد فى تقاليد مجتمع او عميل دائم الانشغال او مهندس يطمح للعلو .
عارضنى الكثير فى البدايه و شكك اخرين , فهل يمكن ان اقوم بتصميم مشروع كامل عن طريق الانترنت ؟ و هل ساستطيع ان اتفاهم مع العميل و المهندس , و الكل يعلم الكم الهائل من التعديلات و التعقيدات التى تطرأ فى التصميمات و المخططات الهندسيه من  قت لاخر , بين تغير آراء العميل و عدم معرفته بما يحتاجه و يتمناه و بين سيطره المهندس ورغبته فى فرد افكاره , فهو الدارس العالم بما تحويه الهندسه و الا لما ذهب المالك الى المهندس لتصميم مشروعه , واتذكر وقتها انى قولت “ان كان هناك مصانع  ينيه تقوم بخياطه فساتين بمقاساتك و توصيلها الى بيتك بدون اى عناء, عن طريق الانترنت, فما المانع فى فكره مكتبى “.

وبين اخرين اعجبتهم الفكره و تطلعوا اليها ليرغبوا فى السيطره على ما بنيته فى 8 سنوات عجاف , و اخرهم مهندس مصرى يعيش بالسعوديه انتحل جمله اول مكتب هندسى الكترونى ليطلقه على صفحته البسيطه , رغم انى سجلت الفكره فى الشهر العقارى و رغبت فى ان اقاضيه لكن فى النهايه لم افعل , فلم ارى ان الامر يستحق , رغم ضيقى الشديد اناشعر ان هناك من يرغب فى ان يسرق ما بنيته فى سنين طويله , سهرت اعمل و اكسب ثقه من حولى من مهندسين وعملاء .
فى النهايه اثبتت السنين قوه الفكره , و تمكنى من التفاهم مع كلا من المهندسين , العملاء و السيطره على المكتب وتطويره من آن لاخر , لاجدد من دم المكتب ليخرج كل سنه فى ثوب جديد , اجدد شبابه ليعيش طويلا , تاركاً ورائه ارث من الثقافه , الافاده و  لاعمال التى اطمح ان تكون مميزه .
لم اكن فى البدايه اعى مسؤولياتى , فكان اهتمامى منصب فقط حول المكتب , و بالتدريج وجدت ان هناك مسؤوليه ان انقل علمى وعروبتى وفهمى الضئيل الى الاخرين فى شكل مقالات , لقاءات او استشارات . لكن ما يزعجنى من وقت لآخر , بغض النظر  الطبع عن المتسلقين على كتف جمله اول مكتب هندسى الكترونى بالشرق الاوسط , هو عدم مسانده الاخرين لى , وكأن لابد ان اقوم انا بجميع الاعمال , كأن حماسه الشباب انطفأت و تبدلت  بانكسار , اما العملاء فيكفى جنسيتى المصريه لندخل فى فصال دائم ,   عدم ثقه , فلم تشفع لى سنواتى على الانترنت و تواجدى الاستشارى الدائم فى كسب ثقه كامله , فمازال هناك من لا يعلم عن المكتب و هناك من يشكك فى جودته ,اتقانه , تفانيه و تحمله للمسؤوليه التى على عاتقه .
لذلك مازلت اعمل و اعمل واعمل و ساجاهد الى ان اصل الى ما يصباه عقلى و لاحقق هدفى الاكبر , و لن اترك من يحاول ان يرجع بى خطوات الى الخلف , فالى الامام دائماً , الى ان أثبت بالدليل القطاع و البرهان الساطع اننا نحن  لمصريين العرب قادرين  على كسب احترام العالم .
مهندسه نيرمين بليغ